من الأخر بحبها وبحبها قوى كمان ، طول عمرها كانت فى خيالى ، والله رسمتها بكل تفاصيلها ، ملامحها ، شخصيتها ، طبعها ، ده حتى والله إسمها فوجئت إنه أكتر إسم بحبه من أسماء البنات ، وكنت مش مصدق ، طاير من الفرحة ، سعيد سعادة مش طبيعية ، بس المهم ما إترددتش ‘ بدأت أقربلها ويالهوى على كده فوجئت بيها عارفة إسمى،لأ لأ وإيه كمان قعدت تتكلم معايا وسألتنى سؤال وسألتها سؤال وقولتلها وقالتلى .................
طبعا أنا مش هأكمل الحدوتة دى ، عارفين ليه أصلها قديمة قوى وبقت شغل أفلام ، عارفين وأنا صغير -قال يعنى دلوقتى أنا كبير- كان لو حد قالى الحب ده كلام فاضى ، أنا كان ممكن أقتله ، أه والله أقتله علشان عامل واعى وهو أساسا دقة قديمة ومعقد ، حب إيه ده اللى كلام فاضى ؟ كنت هقول مجنون ده ولا إيه؟بس عارفين دلوقتى وبعد ماكبرت وعجزت وأصبح عندى من السنين 18 هأقولكوا على حاجة بس مش عايز حد يتهور عليا ، بصوا ياجماعة بصراحة بقى الحب ده كلام فاضى ، وجع قلب وتوتر وقلق ، عارفين إيه كانت ميزة الحب من وجهة نظرى ؟ ميزة الحب كانت المسئولية ، المسئولية فى إنك تكون قد كل كلمة بتقولها ، قد كل وعد بتوعده.المسئولية فى إنك تطير بخيالك وتكبر بأحلامك وفى عز ماخيالك يكون طاير وأحلامك بتكبر تكون إنت كلك ثقة فى إنك هتقدر تعيش الخيال ده وإنك هتقدر تحقق الأحلام دى .المسئولية فى إنك تكون قد الدخول من الباب ، وإنك وإنت قاعد مع والدها تكون قد كل كلمة بتقولها وتكون قادر تجاوب على أسئلته اللى هى فى ظاهرها أسئلة سهلة ، عارفين سهلة ليه؟ لإن ليها نماذج كتير وكمان بتكون متوقعة والتوقعات إستحالة تخيب ؟ ونموذج الأسئلة فى الغالب بيكون :-ـ عندك كام سنة ؟ ـ عندك شقة؟ ـ هتدفع مهر كام؟ ـ كام جرام شبكة؟ إلخ.....وطبعا زى ماقولت السهولة بتكون ظاهرية لإن الإجابات صعبة ومعقدة .عارفين ليه صعبة ومعقدة ؟ علشان بلدنا بدأت تضيق بينا ، الواحد مننا دلوقتى بيخلص تعليمه وهو متوسط عمره 23-24 سنة ، ولكن هل ياترى هيخلص تعليم ويتقدم على طول ولا يستنى شوية يبدأ يكون فيها نفسه؟وأول مراحل التكوين طبعا هى الشقة ، وبصراحة بقى العملية صعبة جدا أصلك هتكون لسه خريج جديد ومرتبك على قدك ده إن إشتغلت أصلا ، بس علشان ماأكونش متشائم قوى فأنا بفترض إنك إشتغلت ، بس أنا كمان مش هأقدر أغشك ، أصل أسعار الشقق نااااااار ، أصل إحنا فى بلدنا عندنا إحتكار للحديد ، أه والله والحكومة سايباه ، خصخصة بقى.وهنفرض إنك شاب صبوووور وصبرت شوية قيمة كام سنة كده وجبت شقة .ندخل بقى على الشبكة والمهر إلخ.... ، فدى مش مشكلة الدهب دلوقتى ب 150 جنيه الجرام ، ولنفرض -خد بالك إنى تانى مرة أفرض- إن ربنا قدرك وجبت الشبكة وعملت الفرح ، هل هيبقى عندك إستعداد تصرف بقى وتجيب العيش والزيت وتأكلها لحمة ؟ سامعك بتقول أه عندى إستعداد ، وأنا بقولك ياعم صلى على النبى ده زجاجة من الزيت تكلفك 11 جند -الجند لع الجنيه- وكيلو اللحمة تقريبا ب 45 جند -مع مراعاة الإختلاف من منطقة لأخرى . طيب والعيش هتجيبه منين إنت وهى ولا هتخليها تنزل معاك طابور العيش من الفجر .من الأخر وعلشان أنا طولت عليكوا وزمانكوا إتخنقتوا منى ، الحب مسئولية وطالما مافيش مسئولية يبقى الحب ده كلام فاضى لحين إشعار أخر ، إشعار تتغير فيه الظروف وتتبدل فيه الأحوال.
تحياتى النمر الحزين
السبت 23 مارس 2013 - 12:04 من طرف basmala
» (( شعر من أحد النحاة لحبيبته ))
السبت 19 يناير 2013 - 18:01 من طرف م./ محمد عبده
» ايهمـا اصعـب
الإثنين 7 يناير 2013 - 22:42 من طرف عاشقة بشوشة
» اشعار ليبيه حلووووووووووووووووووووووه
الأربعاء 22 أغسطس 2012 - 17:21 من طرف الاوقات الصعبة
» مبروك لعمان
الأربعاء 22 أغسطس 2012 - 16:13 من طرف الاوقات الصعبة
» فى المفارق الى نهلة سلامة
الأربعاء 22 أغسطس 2012 - 16:04 من طرف الاوقات الصعبة
» نكت بجنن ههههههههههههه مراح تندمون اذا دخلتو
الأربعاء 22 أغسطس 2012 - 15:26 من طرف الاوقات الصعبة
» اسئلة تحير بجد
الثلاثاء 14 أغسطس 2012 - 22:43 من طرف ذكرياتى
» ثلاثة ابيات اهديها لملكة الاحساس شيرين
الثلاثاء 24 يوليو 2012 - 6:07 من طرف وحيد الزكري
» اقترااااح....لس الا
السبت 21 يوليو 2012 - 9:16 من طرف ذكرياتى
» رجووووع انا جيت بع غياب عايزه ترحيب
السبت 21 يوليو 2012 - 9:11 من طرف ذكرياتى
» احبك بكل لغاات العالم
السبت 21 يوليو 2012 - 9:08 من طرف ذكرياتى
» تعالو وشوفوا رسائل عتاب وحب حصريا اليدخل مراح يندم
السبت 21 يوليو 2012 - 9:05 من طرف ذكرياتى
» لماذا يرسب الطالب تحليل منطقي جدا
الخميس 5 أبريل 2012 - 10:13 من طرف حمودي الصغير
» الحب قدر ام قرار ؟؟؟
الجمعة 20 يناير 2012 - 11:33 من طرف اكبر معجبين الفنانة شيرين
» اطرف النكت العراقيـــــــــــــــــــــــة لتفوتكم ؟؟
السبت 14 يناير 2012 - 12:36 من طرف الاوقات الصعبة
» اطرف النكت العراقية لتفوتكم
السبت 14 يناير 2012 - 12:15 من طرف الاوقات الصعبة
» احدث النكت العراقية حصريا
الجمعة 13 يناير 2012 - 15:55 من طرف الاوقات الصعبة
» نكت للضايجين فقط
الجمعة 13 يناير 2012 - 15:52 من طرف الاوقات الصعبة
» هـــــــــــــنــــــــــــــــد
الثلاثاء 3 يناير 2012 - 17:11 من طرف متيم بي حب شيرين